حكم الزمان كلمات الشاعر أحمد العدل

....(حكم الزمان)....

       ****

ليه يازمن 

تدفعني التمن

لا اخترت لوني

ولا لون ملامحي

ليه ضوء مرايتي

يسرق  سعادتي

أنا طفل عادي

بقلب  أبيض

وعقل ناضج

يفرح ويغضب

ليه  تسلبوني

أبسط حقوقي

ليه تحرموني

نبضي وشوقي

أحب وافرح

ويكون لي مطرح

بين الأحبة

أشعر  بذاتي

بسنين حياتي

حبيت ونلت

وطلعت  فوق

أعيش حياتي

من غير فروق

أنا وحبيبتي

خدنا العهود

أكون نصيبها

وتكون نصيبي

أكون شراعها

وتكون سفينتي

في لحظة واحدة

أنا شمسي راحت

والدنيا ضلمه

والسكة  تاهت

من غير كلام

قالوا  لي لأه

ولا سمعوا حتى

من قلبي دقه

ليه تظلموني

أنا ذنبي إيه

ليه تدبحوني

من إيه وليه

ضاعت حياتي

وسنين آهاتي

وكأني أجرب

والكل  يهرب

ليه يازماني

تيجي عليه

وتحملوني

كل الأسية

آدي  حكايتي

وآدي نهايتي

صابر  وراضي

حكمك ياقاضي

         ***

       الشاعر/أحمدالعدل